Sawiro-dhagayso: 72 Guuradii ka soo Wareegtay markii la aasaasay Ciidanka Booliska Soomaaliya oo Garoowe laga xusay
20 Dec 2015 (Puntlandes) Munaasabad lagu xusayey sanad guuradii 72-aad ee ka soo wareegtay markii la aasaasay Ciidanka Booliska soomaaliyeed ayaa maanta lagu qabtay xarunta cilmi baarista Puntland PDRC ee magaalada garoowe waxaana ka soo qayb-galay gudoomiyaha baarlamaanka Puntland,wasiirka amniga iyo marti sharaf kale oo ka kala socotay golayaasha dowladda.
Taliyaha Ciidanka booliska Puntland Sareeye guuto cabdirasaaq afguduud ayaa sharaxaad ka bixiyey xiliyadii la aasaasay ciidanka booliska soomaaliya iyo ciidanka booliska puntland waxaana uu sheegay in ciidanka Booliska Puntland ay horumaro badan gaarsiiyeen tan iyo intii xilka xilkaas loo magaacabay.
Gudoomiyaha Baarlamaanka Puntland Axmed Cali Xaashi oo munaasabada furay ayaa u hambalyeyey ciidanka booliska soomaaliyeed waxaana uu sheegay in ciidanku uu yahay kan dhowr amniga bulshaduna ay si wanaagsan ula shaqayso.
Wasiirka amniga Puntland cabdi xirsi cali qaraj ayaa hambalyo u diray ciidanka booliska soomaaliyeed waxaana khubad dhinacyo dabadan taabaynasa oo uu ka jeediyey uu dardaaran u jeediyey ciidanka booliska Puntland.
Wasiirka Amniga Puntland Cabdi Xirsi Cali Qarjab ayaa ugu baaqay xukuumada inay bixiso xuquuqda ciidanka booliska Puntland si ay ciidankuna u gutaan waajibaadkooda waxaana uu intaa intaa ku daray in hadii ciidanku aysan daqli soo xarayn aysan helayn xuquuqda ay leeyihiin.
Wasiirka Amniga Puntland Cabdi Xirsi Cali Qarjab oo ka hadlayey gaadiid ay beeluhu kala dhacaan ayaa sheegay intaas ay wax u dhimayso jiritaanka dowladnimada Puntland waxaana uu ka codsaday laamaha amaanka in cidii qabsada gaari ay talaabo ka qaadaan.
Qarjab ayaa sidookale ka hadlay dadka lagu soo qabto dambiyada waxaana uu u soo jeediyey Maxkamadaha inaysa soo dayn dadka ay ciidanku soo qabtaan waxaana uu uga digay cidii ka daba timaada cida danbi lagu soo qabtay ay dambiile noqonayaan talaabo cadna laga qaadi doono.
Ugu dambeyn,waxaa la dhisay ciidanka booliska Soomaaliya sanadkii 1943,waxaana muddooyinkan ku socday dib u dhis iyo qaabeyn, waxaana markii u horeysay ay ciidamada yeesheen qeyb ka mid ah ciidamada miino baarista iyo ciidamo si gaar ah u tababaran.
Dhegeyso taliyaha iyo wasiirka
About The Author
