Sawiro: Gudoomiyaha Gobolka Mudug oo maanta kormeer ku sameeyey dhamaan Saldhigyada iyo Rugaha Booliiska ee Degmada Gaalkacyo
27 Jan 2016 (Puntlandes) Gudoomiyaha cusub ee Gobolka Mudug Xasan Maxamed Khaliif (Xasan Abgaaloow) ayaa maanta kormeer balaaran oo u kuurgelid iyo Isbarasho ah ku sameeyey dhamaan Saldhigyada iyo Xeryaha Ciidanka Booliiska ee magaalada Gaalkacyo.
Gudoomiye Xasan Abgaaloow ayaa la kulmay dhammaan taliyayaasha saldhigyada booliiska iyo saraakiisha kale , isagoo ka dhagaystay warbixin dheer Taliyaha Qaybta Booliska Gobolka Mudug G/sare C/laahi shire doole.
Gudoomiye Xasan Abgaaloow oo halkaas ka hadlay ayaa ku booriyey Ciidanka Booliska iney shaqada ay Bulshada u hayaan ay dardar galiyaan lana xoojiyo wada shaqaynta Laamaha Amaanka iyo Maxkamadaha.
Waxaa ku weheliyey kormeerka Gudoomiyaha Gobolka Mudug isu duwaha Wasaaradda Warfaafinta Isgaarsiinta Hidaha iyo Dhaqanka ee Gobolka Mudug C/naasir Badel Khalaf.
About The Author
