Sawiro-Bursaalax: Gud. Waxbarashada Gobolka Mudug oo Booqday Iskuulka H/dh ee Cirro & Dayactir gabo gabo maraya oo lagu wado Iskuulkaas
27 Jan 2016 (Puntlandes) Waxaa maanta booqasho ku tagay Iskuulka Hoose/Dhexe ee Cirro ee magaalada Bursaalax oo ay ku socoto Dayactir heer gabo gabo ah maraya wafdi uu hogaaminyey Gudoomiyaha Waxbarashada Gobolka Mudug Bashiir Axmed Khalaf.
Gudomiyaha Wabarashada iyo waftigiisu oo ay Booqashadoodu ku salaysnayd u kuur gelida halka uu Dayactirka Iskuulku Cirro marayo ayaa waxay warbixin ka dhagaysteen Maamulka Mushruuca Horumarinta Bursaalax oo uu hoos yimaado Iskuulku.
Maamulka Mashuuraca Horumarinta Bursaalax ayaa waxay Iskuulka Hoose Dhexe ee Cirro ku wadaan Dayactir heer gabo gabo ah maraya, iyagoo wax wayn ka bedelay Qaab dhismeedkii Iskuulka iyo bilicdiisaba.
Ardayda Dhigata ayaa iminka ku maqan Fasax, iyadoo qaybtii koowaad ee Dayactirku uu dhamaatay, laguna gudo jiro qaybtii u dambaysay.
Mashuura Horumarinta Bursaalax ayaa waxaa wax ka barata Arday kor u dhaafaysa 1500 Arday oo kala dhigta:
- Dugsiga hoose dhexe ee Cirro
- Dugsiga sare ee Burar
- Wabarashada dadka waawayn iyo Farsamada gacanta
Sawiro
Puntlandes.com
About The Author
