SAWIRO: FAAH-FAAHIN KU SAABSAN DOORASHADII MAANTA KA DHACDAY DEGMADA GODOB-JIIRAAN
GODOB-JIIRAAN(Puntland Post) Shacabka degmada Godob-jiiraan ee Gobalka Nugaal ayaa soo dhaweeyay gudoomiyaha cusub iyo ku xigeenkiisa, ka dib markii saaka si wanaagsan u dhacdey doorashadii gollaha deegaanka.
Duqa cusub ee Godob Jiiraan Yuusuf Maxamed Faarah iyo ku xigeenkiisa Axmed Maxamed Cabdi ayaa ka mid ah dhalinyaradda wax soo bartay, kuwaasoo lagu ammaanay inay is-badal muuqda degmada gaarsiin karaan.
Gudoomiyaha Gobalka Nugaal Cumar Cabdilaahi Farawayne ayaa boggaadiyay mamulka cusub oo horay xilkan si KMG ah u hayay, waxa uu kula dardaarmay inay oofiyaan balan-qaadyadii ay doorashada ku galleen.
Mamulka Gobalka Nugaal oo kaashanaya wasaradda arrimaha gudaha Puntland ayaa ku guulaystay dhamaystirka dhismaha gollayaasha deegaanka degmooyinka Eyl iyo Godob-jiiraan.
Xigasho: Puntlandpost
About The Author
