Sawiro: Wasaaradda Xanaanada Xoolaha Puntland Oo Daahfurtay Mashruuca Horumarinta Wax Soosaarka Xoolaha
Magaalada Garoowe ee xarunta dowladda Puntland ayaa waxaa kadhacday munaasabad lagu daahfurayey mashruuca horumarinta wax soosaarka xoolaha Puntland oo ay iska kaashanayaan wasaaradda xanaanada xoolaha iyo Midowga Yurub (EU).
Munaasabadda daahfurka mashruucaasi muhiimka ah oo kadhacday xarunta wasaaradda xanaanada xoolaha ee dowladda Puntland ayaa waxaa ka qaybgalay, xildhibaano, wasiirka wasaaradda, agaasimaha guud, saraakiisha arrimaha xoolaha kuhowlan, xubno kasocdey maalgeliyayaasha mashuurcaani iyo marti sharaf kale.
Maxamed Cali Waaberi, gudoomiye ku-xigeenka rugta ganacsiga Puntland oo ugu horayn kahadlay munaasabadda ayaa sheegay in haddii mashruuca horumarinta wax soosaarka xoolaha Puntland uu guulaysto uu waxbadan ka qaban doono horumarka ganacsiga iyo koboco dhaqaalaha.
Mas’uuliyiin kasocdey midowga Yurub oo wasaaradda mashruucaasi ka taageerayey ayaa rajo wanaagsan ka muujiyey dhamaystirka mashruucaasi oo ay tilmaameen inuu waxbadan ka bedeli doono kobcinta wax soosaarka xoolaha Puntland.
Wasiirka wasaaradda xanaanada xoolaha ee dowladda Puntland CabdiJamaal Cismaan Maxamed oo daahfuray mashruuca ayaa uga mahadceliye midowga reer Yurub taageerada ay ku bixinayaan horumarinta xoolaha Puntland.
Mudane Cabdijamaal ayaa sheegay in qorshahaani uu yahay mid intiisa badan ku imaanaya iskutashiga Puntland, wuxuuna intaasi kusii daray in ka wasaarad ahaan ay diyaar u yihiin inay qabtaan waxkasta oo dalka muhiimad gaar ah ugu jirto.
Dhanka kalena mas’uuliyiinta wasaaradda xanaanada xoolaha ayaa booqasho kutegey xarunta cusub ee ay yeelanayso wasaaraddu oo uu kasocdo dhisme ballaaran oo ay yeelanayso wasaaradda xanaanada xoolaha ee dowladda Puntland.
SAWIRRO
About The Author
