Sawiro: Taliyaha Ciidanka Booliska Puntland oo maanta kormeer ku tagay Garoonka Diyaaradaha Bosaso
21 Apr 2016 (Puntlandes) Taliyaha Ciidanka Booliska Puntland General Cabdirisaaq Maxamuud Yuusuf (Afguduud) ayaa maanta kormeer shaqo ku tagay Garoonka Diyaaradaha Bosaso, isagoo Taliyuhu kormeeray Xafiisyada iyo habka ay shaqada u eadaan Ciidanka Booliska ee ka shaqeeya Garoonka.
Intaas kadib ayuu Taliyuhu si guud iyo si gaar ahba u wareystay dadka rakaabka ah ee Garoonka Basaso ka duulayey iyagoo fadhiga qeybta lagu sugo duulimaadka, isagoo Taliyuhu uu waydiinayey in ay jiraan waxa shaqo xumo ah oo ay kala kulmeen Ciidanka Booliska ee ilaaliya amaanka Garoonka Diyaaradaha ee Boosaso iyo waliba Wixii talo ah ee ay soo jeedinayaa oo ku saabsan amaanka Garoonka Diyaaradaha Bosaso.
Dadka safrayey ee uuTaliyuhu wareysatay ayaa u sheegay Taliyaha in ayasan jirin wax shaqo xumo ah ee ay kala kulmeen Ciidanka Booliska ee ilaaliya Amaanka Garoonka Diyaaraha Bosaso, aad ayeyna ugu mahadceliyey Ciidankaas, waxaynaTaliyaha u sheegeen dadkaasi Talooyin lagu sii horumarinayo Amaanka Garoonka Bosaso.
Kormaarka uu Taliyuhu maanta ku tagay Garoonka Diyaaradaha Boosaso waxa uu si gaar ah ula xiriiray hawlaha amaanka garoonka Diyaaradaha ee Boosaso.
Tani waxay noqonaysaa markii ugu horeysay eeTaliye xukuma Ciidanka Booliska Puntland uu kormeero Garoon diyaaradeed ee ku yaala Puntland. Tailye Afgaduud ayaa ah Taliye aad u dadaal badan wax wayna ka qabtay Ciidanka Booliiska Puntland mudadii yarayd ee uu ahaa Taliyaha Ciidanka.
Puntlandes.com
About The Author
