Daawo fariin murugo leh oo uu direy Odey waayeel ah oo reer Puntland.
April 23 2016 (Puntlandes) Odey Maxamuud Xirsi Jeey oo waayeel da,ah kuna nool hawdka Gobolka Nugaal ayaa fariin gurmad ah u dirsadey Ummadda Soomaaliyeed, tan Puntland iyo Xukuumada Cabdiweli Maxamed Cali (Gaas) ka dib markii ay saameyn lixaad leh ku yeelatey isaga iyo xoolihiisii Abaarta baahsan ee dalka ka jirta.
“Xoogeygii wuxuu ku baxay difaaca Puntland,, Anigana 90 sano jir baan ahay,, Ugama xumi in wiilkeygu ku dhinto difaaca dalkiisa iyo dadkiisa, maanta oo kale wiilkeygu waa i caawin jirey, Ma xasuusteen laakiin abaarta jirta baa i xasuusisay “ ayuu yiri Odey Maxamuud Xirsi Jeey oo warbaahinta kula hadlay baadiyaha tuulada Reemanti ee Gobolka Nugaal.
Inta badan xoolihiisii Odey Maxamuud Xirsi Jeey waxa ay u le,edeen Oon iyo gaajo waxaana uu u direy qeybaha bulshada iyo dowlada fariin uu uga codsanayo in loogu gurmado.
Hadaba daawo muuqaalka Odey Maxamuud Xirsi oo ah mid fariin xanuun badan uu ku dirsanayo,, Fadlan ka qayb qaado wixii aad ku taakuleyn kartid…
Daabacaadii Puntlandes,com
About The Author
