Sawirro:- Caasimada Puntland Dhalinyaro Isxilqaan Ah Oo Gubaya Baqtiga Xoolaha Ay Tuuraan Gaadiidka Hayaanka Wada
Dhalinyaradaan oo isu soo urursaday si madax banaan kadib markii ay u adkaysan waayeen dhibaada caafimaad iyo midda gaadiidka kasoo gaaraysa bakhtiga xoolaha gaar ahaan ariga ayaa watey gaadiid ay kusoo kireeyeen lacag ay iska ururiyeen iyagoona dab meelo banaan ah ku qabad siinayey bakhtiga xoolaha.
“Waxaanu isku xilqanay sidaan uga hortagi lahayn cuduro ku dhaca dadkeena madama ay soo badanayaan baqtiga xoolaha ee yaala banaanka magaalada waxaana dhow xili roobaadka togoga magaalada biyaha ka qaada ayaa waxaa macquula inay baqtigaan magaalada soo galiyaan xanuunona ka dhashaan ayay dheheen qaar kamida dhalinyarada.
Wajiga 1aad ee ololahaani oo ka bilowday banaanka bari ee magaalada Garoowe ayaa maanta gaarey buundada dooxada Janteela oo u dhexaysa deegaamada Sin-ujiif iyo 22aad ee dooxada Nugaaleed.
Qaar kamid ah dhalinyarada ololahaan hormuudka ah oo kahadlayey goobihii lagu gubayey bakhtiga ayaa sheegay inay sii wadi doonaan howshaan mutadawacnimada ah, waxaana ay ka codsadeen dhalinyarada kale inay horumarka dalka u kacaan.
Hoos Ka Eeg Sawirrada
About The Author
