Daawo Video-sawirro: Musharrax Farah Ali Shire oo ka qaybgalay xafladi Qalinjabinta Dufcadii 2aad Ee Dugsiga Farsamada Gacanta Bursaalax
13 Okt 2018 (Puntlandes) Musharax Madaxweyne ee 2019ka Farah Ali Shire ayaa shalay ka qaybgalay xafladii Qalin jabinta Dufcadii 2aad ee Dugsiga Farsamada Gacanta ee Degmada Bursaalax kadib markii uu booqasho ku yimid Degmada.
Sawirka kore Xasan Garabey oo bilad la gudoonsiinayo
Mudane Faarax ayaa bogaadiyey horumarka isku tashiga ee Degmada Bursaalax, isagoo cadeeyey inuu wax badan kala socday dadaalkii ballaarnaa ee ay wadeen rag uu ugu horeeyey Dr Xasan Yusuf Dhuux (Xasan garabey) oo ay isku jaaliyadda Australia isla yihiin, kaas oo ay ku taabageliyeen Mashruuca horumarinta Bursaalax.
Agaasimaha Mashruuca Mudane Mohamed Abdul Mursal ayaa Gudoonsiiyey ardaydi Gudubtay agab ay hay’adda Salaam Development ugu talagashay iyo shahaado sharaf.
Maamulka Degmada Bursaalax ayaa ugu dambayn soo xiray munaasabadda Qalin jabinta una mahadnaqay cid kasta oo ka qayb qaadatay Barnaamijka Farsamada Gacanta sidoo kale uga mahadnaqay bulshada Soo dhawaynti Musharaxa Madaxweynaha Dawladda Puntland Farah Ali Shire.
Puntlandes.com
About The Author
