Akhriso Caddeynta Musuqmaasuqa wasaaradda maaliyadda & warqadaha baaritaankii Hanti dhowrka

25 Nov 2018 (Puntlandes) Dawladda Federaalka ayaa musuqmaasuqa kaga jirta heerkii ugu xumaa, waxaana idiin soo gudbinaynaa Wasaaradda Maaliyadda dawladda Soomaaliya oo aanu helnay qoraal kasoo baxay Hanti Dhowrka Qaranka oo caddeymo u ah musuqmaasuqa hantida ummadda Soomaaliyeed.

Waa muhiim dagaalkaan lagula jiro Musuqmaasuqu waana talaabo soo kordhin karta horumar dhaqaale, dhaqan dowlad wanaag ah iyo isla xisaabtan dhab ah.

Waxaase su’aali ka taagan tahay musuqmaasuqa ma lala xisaabtami doona aabaha iyo hooyada musuqmaasuqa oo ah madaxweyne Farmaajo iyo RW Khayre?

Maalmahaan waxaa warbaahinta aad looga hadal hayey shaqaale iyo askar loo xiray Musuq awgiis, tusaalihii u dambeeyay wuxuu ahaa askar mushaarkoodu ahaa 100 doollar oo si farsamaysan laba mushaar u qaatay.

In sharciga lagu fuliyo dadka aan garabka haysan oo ay Soomaalidu u taqaan “looma ooyaanka “ iyada oo aan lala xisaabtamin ama aan sharciga la hor keenin dadka isbidaya inay haystaan garab ay isku hallayn karaan. Arrintaan waxaa ka dhalan kara

Ciqaab iyo caro ka timaadda Ilaahay
Inay yaraato kalsoonida ay dadweynuhu ku qabaan dawladda
Inaan madaxda dawladda marka ay Musuqa ka hadlayaan aan dheg loo jalaqsiin
Inay dhiirrogeliso in tuugada waaweyn ay ku dhiiradaan xatooyada xoolaha dadweynaha

Sida ay dad badan la socdeen waxaa Wasaaradda Maaliyadda ka dhacay Musuq baahsan oo markii uu soo shaacbaxay Hantidhawrka Qaranku uu baaris ku sameeyay sedex (3) nin oo ka mid ah gacan yarayaasha Wasiirka Maaliyadda isla markaana ay xigto dhow yihiin mudane Beyle, sidoo kale Agaasimaha Wasaaradda Maaliyadda mudane Shire Jimcaale oo isagu ahaa ninka u fududeeyay in Musuqaas uu ka dhaco Wasaaradda

Sidee wax u dheceen? Yaa qaata seddex mushaar iyo ka badan? Xaggee ka qaataan?

Saddexdooda sanadkii waxay qaataan $385,800 (saddex boqol & sideetan iyo shan kun iyo sideed boqol Hanti dhowrka qaranku wuxuu baaritaan ku waday kiisaskaan musuq maasuqa ah muddo lix bilood ah.

Kiisaskaan ayaa ahaa mushaaraaad iyo gunooyin ay ka kala qaadan jireen Wasaarada Maaliyada, Arimaha Dibada, Safaarada Sweden, Baniga Aduunka, iyo Bangiga Afirka, lacagtaan oo qaarkood la qaadanayey mudo 2 sano ah.

Dhacdadaan Musuq Maasuqa ee foosha xun oo lagu lunsaday lacag gaaraysa $385,800 sanadkiiba mudadaas ilaa iyo hadda shacabka Soomaaliyeed ma helin cadaalad la horkeeno arintaan oo si cad u muuqata lana hayo cadymihii ducomentiyada lagu qaatay lacagaahaas.

Arrintaan waxay noqonaysaa mid lagu ogaado in ay Xukuumadda ka dhab tahay inay Musuqa la dagaasho iyo in kaliya looma ooyaanka la ugaarsanayo caddaalad ma aha ee caddaalad darro lagula kacaayo shacabka masaakiinta ah ee lagu helay xatooyo $100 doollar ah.

Haddaba waxaad hoos ka daalacataa baaritaankii Hantidhowrka uu ka sameeyay seddexda nin iyo caddeeymo wareeysiyadii lala yeeshay ee ay ku qirteen in ay danbiga galeen, balse, halkii laga sugaayay in caddaaladda la horkeeno wuxuu Hantidhowrka amray oo kaliya in ay soo celiyaan lacagta ay ka dhaceen qaranka.

Akhriso warbinta musuqmaasuqa xargaha goostay ee Wasaaradda Maaliyada dawladda Federaalka