Taliyaha ciidamada Daraawiishta Puntland ee aagga Galgala oo ka badbaaday Qaran lkagu weeraray
04 May 2019 (Puntlandes) Qarax xoogan ayaa ka dhacay magaalada Bosaso xalay wakhti dambe oo ku beegan 1:00am xilligaasi oo aan magaalada looga baran in qaraxyo ka dhacaan islamarkaana dadka badankoodu ay hurdeen.
Qaraxa ayaa la sheegay in uu ahaa miino nooca boodada loo yaqaan ah oo lagu aasay kadinka guriga taliyaha ciidamada Daraawiishta Puntland ee aagga Galgala G/sare Cabdiraxmaan Qadaafi.
Taliyaha ayaa sida la xaqiijiyay ka badbaaday qaraxa lamana soo sheegin wax khasaare nafeed ah oo ka dhashay qaraxaasi balse gurigiisa ayaa burbur ka soo gaaray.
Taliyaha ciidamada Daraawiishta Puntland ee aagga Galgala iyo ku xigeenkiisa ayaa magaalada Bosaso ka deggan laba guri oo isku-dheggan kuwaasi oo uu xalay saameeyay qaraxa.
Laamaha amniga dowladda Puntland ee gobolka Bari ayaan dhankooda weli ka hadlin qaraxa ka dhacay magaalada Bosaso.
Puntlandes.com
About The Author
