Taliyihii hawl-gelinta ciidanka Isku-dhafka ah ee gobolka Mudug oo la dilay
12 May 2019 (Puntlandes) Taliyihii hawl-gelinta ciidanka Isku-dhafka ah ee gobolka Mudug G/dhexe Khaliif Nuur Shiil ayaa u geeryooday dhaawacay xalay loogu gaystay koonfurta magaalada Gaalkacyo.
Dabley hubaysan ayaa sida la sheegay rasaas ku furay sarkaalka xilli uu ka soo baxay salaadda Taraawiixda Masjid ku yaalla koonfurta magaalada Gaalkacyo.
Taliyaha oo dhaawac culus ka soo gaaray weerarkaas ayaa ku geeryooday isbitaal ku yaalla degmada Gaalkacyo.
Kooxdii weerarka geystay oo goobta ka baxsatay ayaan ilaa iyo hadda lagu guulaysan in la qabto sidoo kalena ma jirto cid sheegatay mas’uuliyadda weerarkaasi.
Puntlandes.com
About The Author
