Akhriso wasiir Goodax oo raalligelin ka bixiyay hadalkii uu shalay ku sheegay in imtixaanka shahaadiga Puntland uu fashilmay

19 May 2019 (Puntlandes) Wasiirka Waxbarashada xukuumadda Federaalka Soomaaliya Cabdullaahi Goodax Barre ayaa raalligelin ka bixiyay hadalkii uu shalay ku sheegay in imtixaanka shahaadiga Puntland uu fashilmay.

War-saxaafadeed galabta ka soo baxay wasaaradda, Hidaha iyo Tacliinta sare ayaa lagu sheegay in xog qaldan lagu siiyay in madaxweynaha Puntland uu shalay ku dhawaaqay in la jabsaday imtixaankii shahaadiga Puntland isaguna uu sidaasi u sheegay balse ay habbooneyd in uu hubsado warkaasi.

Sidoo kale wuxuu War-saxaafadeedka ku bogaadiyay imtixaanka shahaadiga ah ee dowladda Puntland isagoo caddeeyay in uu xukuumadda iyo shacabka Puntland ku garab taaganyahay hawlaha imtixaanka.

Akhriso War-saxaafadeedka