Daawo sawiro: Ciidamada Badda DFS oo xusay Sanad guuradii 50aad ee aas aaska Ciidanka Badda

Munaasabada 50 Sano Guuradii ka soo wareegatay Markii la aas aasay Ciidanka badda Soomaaliyeed oo qeyb ka ah Ciidanka Xooga Dalka ayaa Maanta waxaa lagu qabtay Xarunta Ciidanka badda ee magaalada Muqdisho iyadoo ay ka soo qayb galeen Mas’uuliyiin katirsan dowladda federaalka Soomaaliya oo ay ka mid yihiin sii hayaha Wasiirka Gaashaandhiga Gen Maxamed Sheekh Xasan Xaamud,Wasiira Cusub ee Gaashaandhiga Gen Cabdul qaadir Sheekh Cali Diini,Taliyaha Ciidanka Xooga Dalka Abaanduulaha Ciidanka Xooga, Taliyaha Ciidanka Badda, Taliyaha Ciidanka Cirka, saeraakiil,Sii-hayaha safiirka Imaaraadka Carabta ee Soomaaliya Saraakiil ka tirsan Ciidanka Xooga Dalka Turkiga iyo Mas’uuliyiin kale.

Cutubyo ka tirsan Ciidanka Badda ayaa waxaa ay Munaasabada ku soo bandhigeen Gaada ka ciyaar Qurux badan iyadoo Ciidanka baambeyda Xooga Dalka ay qayb ka ahaayeen Munaasabada Mas’uuliyiinta ayaana Salaan ka qaatay Ciidanka.

Talihii Hore ee Ciidanka Badda iyo ilaalada Xeebaha Soomaaliyeed hadana ah Agaasimaha Hay,ada badaha Soomaliya Admaraal Faarax Qare taliyaha Ciidanka Cirka Sareeyo Guuto Maxamuud Sheekh Cali Dable Beylood iyo abaan duulaha Ciidanka Xooga Dalka Sareeyo Guuto Cabdi Risaaq Khaliif Cilmi ayaa hambalyo waxaa ay si wada jir ah ugu direen Ciidanka Badda iyagoo ku baaqay in la dhiso Ciidanka Badda si amaanka Xeebaha soomaaliyeed cadawga looga difaaco.

Taliyaha Ciidanka Badda Soomaaliyeed Admaraal Madey Nuurey Sheekh Ufurow oo Munaasabada Khudbad ka soo jeediyay ayaa waxaa uu Hambalyo u diray Qaybaha kala duwan Ciidanka Badda Soomaliyeed waxaana uu Dowladda ka Codsaday in lagu gacansiiyo sidii Ciidanka Badda loo tayeyn lahaa iyo Cadawga ay ka difaacaan Biyaha Soomaaliya.

Taliyaha Ciidanka Xooga dalka Soomaaliyeed Sareeyo Guuto Daahir Aadan Cilmi (Indha Qarshe) ayaa sheegay in iyadoo talisku uu Fulinayo markii madaxweynaha ee ahaa in la dhiso Ciidan tayeysan oo qaranka Soomaaliyeeed uu leeeyahay.

Sii hayaha Wasiirka Gaashaandhiga Soomaaliya Gen Maxamed Sheekh Xasan Xaamud oo gaba gabadii ka hadlay Munaasabada ayaa waxaa uu hambalyo u diray Ciidanka Badda Soomaaliya oo u dabaal dagaya 50 sano guurada ka soow areegatay Markii ay ka howl bilaabeeen Xeebaha Soomaaliya isagoo u rajeeyay Taliska Ciidanka Xooga in uu hormariyo Ciidanka Xooga si gaar ah kuwa Badda.