Daawo muuqaal dhamaystiran: Dr Gaboose oo shacabka uga digay khatarta Coronovirus “Shacabku ha isaga baxaan magaalooyinka…”
06 April 2020 (Puntlandes) Dr Maxamed Cabdi Gaboose oo saxaafadda kala hadlay shacabka ayaa uga digay cudurka Covid-19 (Coronovirus), kaas oo ilaa hadda galaaftay dad aad u faro badan oo ku nool dunida kuwo kalena la isdaran yihiin.
Dr Gaboose ayaa yiri ”Maanta waxaa ka badbaadaya cid Ilaahay u dhiibay labo shay, hogaan wanaagsan iyo bulsho midaysan, oo ismaqlaysa, oo meel u wada jeeda, siyaasadda meel iska dhiga, ficiltanka meel iska dhiga , wax kasta ooo naga dhexeeyey meel iska dhiga, maanta dhamaanteen waa in aan u jeesanaa masiibadaas sidii aan uga hortagi lahayn”
Dr Gaboose ayaa ku sii daray ”bulsho walba marka ay rabto inay cudur ka hortagto waxa ugu horeeya inay barato qaabdhismeedka ay iyadu leedahay”
Ugu dambayn Dr Gaboose ayaa kula taliyey shacabka inay isaga baxaan magaalooyinka oo u baxaan miyiga wuxuuna yiri ”talada ugu horaysa ee aan dadkayga siinayo waa in magaalooyinka waawayn laga baxo oo miyiga loo baxo…taas ayaa ka xoog badan sanka oo aan xirano”
Puntlandes.com
About The Author
