Sawirro: Guddiga Wacygelinta iyo Ka hortagga Coronavirus ee Dowladda Puntland iyo Culimada Puntland oo go’aano soosaaray
13 April 2020 (Puntlandes) Guddiga Wacygelinta iyo Ka hortagga Coronavirus ee Dowladda Puntland wuxuu maanta kulan la qaatay Culimada Puntland, waxaan kala hadalnay sidii doorkooda ay uga qaadan lahaayeen Wacygelinta iyo Ka hortagga Covid-19.
Guddiga iyo Culimadu waxay isla garteen:
– Waxaa la isla gartay halista Cudurka Coronavirus oo si xowli ah adduunka ugu fidaya, una baahan in wadajir looga hortaggo Dowladd iyo Shacaba.
– Waxay Culimadu qireen in Masaajida ay ka imaan karto khatar Caafimaad, marka la eego isu soo dhowaanshaha iyo tirada.
– Si arrinta Masaajida xal looga gaaro oo Culimadu doorkooda u qaataan, waxaa la isla gartay, in Culimadu xubno kusoo darsadaan guddiga wacyigelinta iyo ka hortagga Covid-19.
– Waxaa jiri doona kulamo danbe oo arrimahan looga sii wadashaqeyn doono.
Guddiga Wacygelinta iyo Ka hortagga Covid-19, ayaa sidoo kale kulamo la qaadan doona Nabadoonada iyo Ganacsatada si iyana ay doorkooda u qaataan.
Puntlandes.com
About The Author
