Hirgalinta Dimuqraadiyeynta Puntland ma gaari doonta Puntalnd-ta maqan?”
Dastuurka Puntland qodobkiisa 6lixaad) wuxuu dhigaya Dhulka Puntland waxa uu ka kooban yahay gobollada Bari, Nugaal, Sool, Cayn, Heylaan, karkaar, gobolka Mudug oo laga reebay Deegaannada Hobyo iyo Xarardheere iyo Gobolka Sanaag oo laga reebay degmada Ceel-afweyn iyo waqooyi- galbeed ee degmada Ceerigaabo Soohdimaha Puntland waa kuwii Gobollada iyo Degmooyinka ay ka kooban tahay la lahaayeen derisyadooda Janaayo 1991 ka hor, isla markaas Puntland
Dastuurka Puntland iyo Puntlandta maqan sidii la isku waafajin
Haaddii aan Gobolladii qayb mida ku jirin gacanta Puntland sideeba dimuqraadiyeynta looga hirgalin doona dhulka Puntland ee ku qoran dastuurka Puntland waa su ‘aal is waydiin mudan una baahan in bulshada Puntland loo qeexo..
Laga soo bilaabo xiligii Madaxwayne Cabdiraxmaan Faroole Puntland waxay ku taamaysay inay hirgalin doonto nidaamka asaxaabta badan lagana gudbi doono Nidaamka Puntland hada ku dhisan tahay ee doorashada xildhibanadda 66,kaa ee soo doorta Madaxwaynaha iyo madaxwayne ku xigeenka Puntland iyo hanaanka qabaa ‘iilka ku dhisan..
Shacabka Puntland waxaa lagu sheega inay yihiin kuwo aad u jecel nidaamka dawladnimo iyo nabada waana xaqiiq in shacabka Puntland u bahanyihiin doorasho xora oo ay ku doortaan cidii hogaamin lahayd..
Dimuquraadiyadda intee gobol aya laga hrgalinaya?
Xiligii ololaha doorashada Madaxwaynaha Puntland Cabdiwali Maxamad Cali Gaas Qodobadii uu aadka ugu ololayn jiray waxaa ka mida inuu Puntland (3)qodob ka dhisi doono qodobka koobaad ayuu ku sheegay dhaqaalaha qodobka labaad ayuu ku sheegay dimuqraadiyadda iyo qodobka seddexad oo ahaa gobollada maqan inuu soo celin doon..
Dhaqaalaha Puntland waxaa la sheega inaan wax iska badalin inta badana waxaa la sheega inaan shaqaalaha Dawlada Puntland iyo Ciidankuba aysan helin mushaaradkooda
Gaalkacayo ilaa Bosaaso
Dhanka xukunka baahsan ayaan wili Puntland ka hirgalin xarrunta cilmibarista hormarinta Puntland ee PRDC) ayaa waxay soo bandhigtay sahan cilmibaarisa oo ay ku samaysay 11, kamida Dagmooyin kamida Puntland waxayna soo bandhigatay inaan Dawladda Puntland aysan dhaafin laamiga dheer ee isku xira Gaalkacayo iyo Bosaaso..
Dagmooyin aan lahayn xudduud kala xaddeeya
Bulshada Puntland ayaa ku wareersan nidaamka magacaabista Degmooyinka xukumadda Puntland iska magacawdo ayada oo aan la eegin nidaamka qaadashada degmo waxaa jira deegaano aad u badan oo Puntland dagmooyin u magacowday laakiin aan xudduud iyo haykalkii degmanimo lahayn waxayna caqad ku noqon doonta Midaamka lagu riyoonayo ee dimuquraadiyadda Puntland..
Dimuqraadiyadda intee gobol aya laga hrgalinaya?
Puntland waxaa la asaasay bishii Agoosto1998, kadib markii nidaamkii jamuuriyaddii Soomaaliya ay burburtay waxaana dhisay cuqaasha ururadda bulshada ganacsatata iyo Siyaasiinta ka soo jeedda Gobollada qayb kamida Mudug Sool qayb kamida Sanaag Nugaal Gobolka Bari iyo Degamada Buuhoodle sida ku qeexan qaynuunka Puntland
Waxaa xusid mudan in markii dambe Puntland laga asaasay Gobolo kale sida Gobolka Cayn Gardafuul Haylan iyo Karkar iyo degmooyin badan gobolladaas hada waxaa gacanta Puntland ka maqan qayb kamida see loo garsiin nidaamka dimuqraadiyadda mise xaalku waa la jiifiya banana?..
20017,Gobolka Sool wuxu ka baxay gacanta Puntland oo kamid aha Gobollada Puntland wax ka dhistay xiligaas waxaa Puntland wadaxwayne ka ahaa Genaral Cade Muuse Madaxwaynihi badalay DR Faroole wuxuu ku guul daraystay soo celinta Sool.
Madaxwaynaha Puntland ee xiligan xilka haya Dr Gaas) wuxuu sheegay hada kahor inuu midayn doono dadkii Puntland wada dhistay uuna xoogga saari doono soo celinta Puntlandta maqan laakiin ilaa hada waxaa muuqata Gaas) inuu ku socdo waddadii Faroole marka loo eego Puntlandta maqan., waxaan ula jeeda Gobolka Sool iyo Qayb kamida Sanaag..
Haddii Puntland qaybi maqan tahay sidee dimuqraadiyad looga hirgalin doona? mise inta gacanta lagu hayo ayaa laga hirgalinaya dimuqraadiyadda iyo doorashooyinka xorta ee Madaxwayne Gaas ku dhawaaqay? waxaa ka jawaabi doona aqoonyahannada Puntland..
Ugu dambayntiin waxaan xaqiijinaya oo aad wada ogtihiin in ummadda Soomaaliyeed oo dhan u bahan tahay nidaamka doorasho xora oo xalaala oo qof walba oo qan gaara uu ku doorto hogaamiyaha uu u arko inuu yahay mid hogaamin kara dalka waxaase ka horaysa inaan helo jawigii iyo qaynuunkii aan ku codayn lahayn kuna dooran lahayn madaxdeena shacbka Puntland asagoo mida ayuu u gudbi karaa dimuqraadiyad laakiin in Gobolladii Puntland qaybi maqan tahay qaybna la dhaho waa la dimururaadiyeynayaa waxay ila tahay inaysan ahayn wax u cuntami doona shacba Puntland,,
Waxaa qoray Cabdinuur Faarax Maxamuud
Daabacaadii:Puntlandes.com
About The Author
