Sawirro-muuqaal: Heshiis laga gaaray khalalaasihii muddo kororsigii sababay ee Muqdisho ka dhacay
05 May 2021 (Puntlandes) Kulamo uga socday magaalada Muqdisho guddi Farsamo oo uu Ra’isul Wasaaraha xukuumadda xilgaarsiinta Maxamed Xuseen Rooble u magacaabay xal u helida khalalaasihii uu dhaliyey muddo kororsigii ayaa heshiis laga gaaray.
Guddiga Farsamada, Guddiga Saraakiisha Ciidamada ee ka soo horjeeday Muddo kororsiga, Madaxweynayaasha Galmudug iyo Hirshabelle ayaa la isku afgartay in xal laga gaaro khalalaasaha.
Hoose ka akhriso qodabada ka soo baxay
1. In dhamaan Ciidamadii ku yimid xiisadaha ka dhacay magaalada Muqdisho dib loogu celiyo goobihii ay ka yimaadeen loogana saaro magaalada muddo 48 saac ah oo ka bilaabanaysa 05-05-2021.
2. In xuquuqda ciidamadaas sida: Mushaarka, Darajooyinka iyo Xilalka wax saamayn ah ku yeelanin qalalaasihii ka dhacay magaalada Muqdisho loona raacan karin wax ku saabsan dhacdadaas.
4. In kalsooni laga dhex abuuro hay’adaha amniga iyo siyaasiyiinta qaba tabashooyinka amni.
5. n Ra’iisul Wasaarahu soo saaro wareegto uu ku farayo taliyayaasha Ciidamada Qalabka Sida.
A. In aysan ku milmin arrimaha Siyaasadda.
B. In aysan bixin ammarro ay ka dhalan karto khalkhal amni iyo mid siyaasadeed.
6. In la magacaabo guddi khubaro Ciidan ah oo kala taliya Ra’iisul Wasaaraha dib u habaynta Ciidamada Qaranka.
7. In aan Ciidamada Qalabka sida loo adeegsan arrimo siyaasadeed, faragalinna lagu samayn.
8. In dhamaan dhinacyadu ay joojiyaan ficilada iyo hadalada abuuri kara colaad iyo nacayb.
9. In lasoo celiyo gaadiidka iyo hubka gaarka loo leeyahay ee lagu kala qaatay dagaaladii ka dhacay Muqdisho lana soo daayo dadkii loo xiray.
10. Fulinta qodobadaan waxaa masuul ka ah Ra’iisul Wasaaraha iyo Xukuumadiisa.
About The Author
